"Real Madrid" yarim himoyachisi Toni Kroos rahbariyatga kelasi mavsumda "qirollik klubi"da qolish shartini qo‘ydi.

Germaniyalikning Karlo Anchelotti jamoasi bilan amaldagi shartnomasi mavsum yakunida tugaydi. Jurnalist Xavi Errayesning xabariga ko‘ra, yarim himoyachi rahbariyat unga keyingi mavsumda muhim rol o‘ynashini kafolatlagan taqdirda yangi shartnoma imzolashga rozi bo‘ladi.

Kroos avvalroq mavsum oxirida faoliyatini yakunlash haqida o‘ylagandi. Toni joriy Ispaniya chempionatida bitta gol urdi va oltita golli uzatmani amalga oshirdi.