"Реал Мадрид" ярим ҳимоячиси Тони Кроос раҳбариятга келаси мавсумда "қироллик клуби"да қолиш шартини қўйди.
Германияликнинг Карло Анчелотти жамоаси билан амалдаги шартномаси мавсум якунида тугайди. Журналист Хави Эрраеснинг хабарига кўра, ярим ҳимоячи раҳбарият унга кейинги мавсумда муҳим рол ўйнашини кафолатлаган тақдирда янги шартнома имзолашга рози бўлади.
Кроос аввалроқ мавсум охирида фаолиятини якунлаш ҳақида ўйлаганди. Тони жорий Испания чемпионатида битта гол урди ва олтита голли узатмани амалга оширди.