Kataloniyaning «Barselona» klubi hujumchisi Vitor Roke Xavi Ernandes jamoasida o‘ynash haqida umidlari bilan o‘rtoqlashdi.
Eslatib o‘tamiz, yanvar oyida 18 yoshli braziliyalik «ko‘k-anorranglilar» safida debyut qilishi kerak.
«Mening orzum haqiqatga aylandi. Men bu yerga jamoadoshlarimdan ko‘p narsa o‘rganish va «Barselona» uchun ko‘p gol urish uchun keldim.
Men jamoada o‘ynashni boshlashni ortiq kuta olmayman», - dedi Roke matbuot anjumanida.
«Barselona» yozda Roke uchun 40 million yevro to‘lagan. Shu bilan birga, yosh futbolchi jamoaga bugun kelib qo‘shildi.
