"Brayton" o‘zining eng muhim hujumkor o‘yinchilaridan biri - yaponiyalik yarim himoyachi Kaoru Mitomani yo‘qotdi.
Bu haqda Roberto de Zerbi "Tottenxem"ga qarshi o‘yin oldidan o‘tkazilgan matbuot anjumanida ma’lum qildi.
"Brayton" murabbiyining so‘zlariga ko‘ra, Mitoma to‘pig‘idan olgan jarohati tufayli 4-6 haftaga safdan chiqadi.
Yaponiyalik futbolchi "dengiz otlar"ining Premyer-ligadagi eng so‘nggi o‘yinida jarohat oldi - klub Londonning "Kristal Pelas" klubi bilan to‘qnash keldi.
26 yoshli futbolchi joriy mavsumda “Brayton” safida 24 ta o‘yinda maydonga tushib, barcha rasmiy musobaqalarda 3 ta gol urdi va 6 ta golli uzatmani amalga oshirdi.
