"Брайтон" ўзининг энг муҳим ҳужумкор ўйинчиларидан бири - япониялик ярим ҳимоячи Каору Митомани йўқотди.
Бу ҳақда Роберто де Зерби "Тоттенхэм"га қарши ўйин олдидан ўтказилган матбуот анжуманида маълум қилди.
"Брайтон" мураббийининг сўзларига кўра, Митома тўпиғидан олган жароҳати туфайли 4-6 ҳафтага сафдан чиқади.
Япониялик футболчи "денгиз отлар"ининг Премьер-лигадаги энг сўнгги ўйинида жароҳат олди - клуб Лондоннинг "Кристал Пэлас" клуби билан тўқнаш келди.
26 ёшли футболчи жорий мавсумда “Брайтон” сафида 24 та ўйинда майдонга тушиб, барча расмий мусобақаларда 3 та гол урди ва 6 та голли узатмани амалга оширди.
