“Kristal Pelas” bosh murabbiyi Roy Xojson jamoasining APLning 19-turida “Chelsi”dan uchralgan mag‘lubiyat (1:2) haqida fikr bildirdi.
"O‘ylashimcha, biz juda yaxshi o‘ynadik va bu o‘yindan nimadir olishga loyiq edik. Hatto aytishingiz mumkinki, bunday o‘yin bizga uch ochko keltirishi kerak edi, ammo bu hech narsani anglatmaydi. Quyi ligaga tushib ketish zonasidan bir necha pog‘ona yuqorida ekanligimizdan qo‘rqamanmi? Yo‘q, xafa emasman, chunki men uchun hozirda kim ligani boshqarayotgani muhim emas", - dedi Xojson "Kristal Pelas" rasmiy saytiga.
APLning 19-turidan o‘rin olgan “Chelsi” – “Kristal Pelas” o‘rtasidagi London derbisida maydon egalari 2:1 hisobida zafar quchdi. Uchrashuvning 13-daqiqasida Mudrikning goliga mehmonlar birinchi bo‘limga qo‘shib berilgan daqiqalarda Maykl Olisening goli bilan javob qaytarishdi. 89-daqiqada Maduekening penaltidan urgan goli “Chelsi”ga g‘alaba keltirdi.
“Kristal Pelas” 19 o‘yindan keyin 18 ochko to‘plagan holda 15-o‘rinni egallab, quyi ligadan uch ochko yuqorida joylashgan. “Chelsi” 25 ochkoga ega va o‘ninchi o‘rinda bormoqda.
