"Napoli" sardori Jovanni di Lorenso jamoa boshdan kechirayotgan inqiroz haqida gapirdi.
Neapolliklar A seriyada mavsumni omadsiz boshlashdi va yaqinda Italiya kubogi doirasida o‘z uyida “Frozinone”ga qarshi kechgan yirik mag‘lubiyat bilan o‘z muxlislarini larzaga keltirishdi – 0:4.
“Mavsum davomida biz murabbiyni almashtirdik va bu ishlar unchalik yaxshi ketmayotganidan dalolat beradi. Umid qilamanki, Masarri qo‘l ostida natijalarga erishamiz.
"Frozinone"ga qarshi o‘yin men futbol o‘ynay boshlaganimdan beri eng yomoni bo‘ldi. Bu dahshatli edi, bu mag‘lubiyatdan keyin tun bo‘yi uxlay olmadim.
Ammo biz oldinga siljishimiz va nima bo‘lganiga to‘xtalmasligimiz kerak", - dedi di Lorenso.
