"Наполи" сардори Жованни ди Лоренцо жамоа бошдан кечираётган инқироз ҳақида гапирди.

Неаполликлар A серияда мавсумни омадсиз бошлашди ва яқинда Италия кубоги доирасида ўз уйида “Фрозиноне”га қарши кечган йирик мағлубият билан ўз мухлисларини ларзага келтиришди – 0:4.

“Мавсум давомида биз мураббийни алмаштирдик ва бу ишлар унчалик яхши кетмаётганидан далолат беради. Умид қиламанки, Мацарри қўл остида натижаларга эришамиз.

"Фрозиноне"га қарши ўйин мен футбол ўйнай бошлаганимдан бери энг ёмони бўлди. Бу даҳшатли эди, бу мағлубиятдан кейин тун бўйи ухлай олмадим.

Aммо биз олдинга силжишимиз ва нима бўлганига тўхталмаслигимиз керак", - деди ди Лоренцо.