“Inter Mayami” hujumchisi Lionel Messi bu yil hech qachon penaltidan zarba ijro etmadi.  

Argentinalik futbolchi 2023 yilni "PSJ" futbolchisi sifatida boshlagandi, yozda esa Amerikaning “Inter Mayami” klubiga o‘tgan.

Managing Barca ta’kidlaganidek, 2023 yilda Messi birorta ham penalti tepmagan - bu 2006 yildan beri sodir bo‘lmagan, o‘shanda forvard faoliyatini endigina boshlagandi. 2007 va 2022 yillar oralig‘ida yulduz futbolchi penaltini doimiy ravishda tepib keldi.

Lionel Messi “Inter Mayami” safida 14 ta o‘yinda maydonga tushib, 11 ta gol urdi va 5 ta golli uzatmani amalga oshirdi.

36 yoshli hujumchining amerika klubi bilan shartnomasi 2025 yilning oxirigacha mo‘ljallangan.