Xabaringiz bor, bugun Malayziya poytaxti Kuala-Lumpurdagi OFK bosh qarorgohida Osiyo Chempionlar ligasi (OCHL)ning 1/8 final bosqichiga qur’a tashlash marosimi o‘tkazildi. Qur’a natijasiga ko‘ra, nimchorak finalda "Navbahor"ga Saudiya Arabistonining “Al-Ittihod” (Jidda) klubi raqib bo‘ldi.

Qur’a borasida “Navbahor” jamoasi bosh murabbiyi Samvel Babayan quyidagi fikrlarni bildirdi.

- Biz 1/8 finaldagi raqibimizni bilish maqsadida, mazkur qur’ani kutayotgandik. Bizga qaysi klub raqib bo‘lishining farqi yo‘q edi, boisi, ushbu bosqichda kuchsiz jamoalar bo‘lmaydi.

Qur’aga ko‘ra, “Al-Ittihod”ga raqib bo‘lganimiz va Namanganga yana yulduz futbolchilarning tashrif buyurishlari so‘nggi mavsumlarda “Navbahor”ning avvalgi brendini tiklash uchun samarali faoliyat olib borayotgan Namangan viloyati hokimi Shavkatjon Abdurazzaqov, klub rahbariyati hamda ishchi-xodimlari, shuningdek, jamoa murabbiylar shtabi va futbolchilarning mehnatlari samarasi hamda jamoaning to‘g‘ri yo‘ldan borayotganligining natijasidir va ushbu tashrif namanganliklar uchun katta bayramga aylanadi.

Biz OCHLda Namangan viloyati bilan birgalikda yurtimiz sharafini ham himoya qilamiz va 1/8 final bahslarida ijobiy natija qayd etish, muxlislarga quvonch ulashishga harakat qilamiz, - dedi Samvel Babayan.