"Nissa" himoyachisi Jan-Kler Todibo qishki transfer oynasida klubini o‘zgartirishi mumkin. Bu futbolchiga bir qator yuqori maqomga ega klublar, xususan, «Tottenxem» qiziqish bildirmoqda.

Jurnalist Ekrem Ko‘nurning ijtimoiy tarmoqlarda yozishicha, London klubi Todibo uchun birinchi taklifni berishga hozirlik ko‘rmoqda.

2023/2024 yilgi mavsumda Jan-Kler Todibo 14 ta o‘yin o‘tkazdi. Ularda 23 yoshli himoyachi sherigiga bitta muvaffaqiyatli uzatmani amalga oshirdi.

Nufuzli Transfermarkt portali mutaxassislari Todiboni 35 million yevroga baholamoqda. Eslatib o‘tamiz, “Tottenxem” Angliya chempionati turnir jadvalida 5-o‘rinni egallab turibdi.