Jeymi Karrager Premyer-liga mavsumi favoritlarining intriga yaratish uchun ochko yo‘qotayotgani haqida gapirdi.

19-turda “Arsenal” “Vest Xem”ga yutqazdi (0:2) va turnir jadvalida 2-o‘ringa tushib ketdi.

Hozirda 42 ochko bilan “Liverpul” peshqadamlik qilayotgan bo‘lsa, “kanonirlar”da 40 ochko bor. “Aston Villa” 39 ochko bilan uchinchi o‘rinda joylashgan.

“Manchester Siti” 37 ochko bilan 4-o‘rinni egallab turibdi. Pep Gvardiola jamoasining qo‘lida bitta zaxira o‘yini bor.

"Hamma bir-biridan ochko olayotganda yoki bir-ikkita jamoalar boshqalardan bir pog‘ona yuqori bo‘lsa, liga sifati yaxshiroq bo‘ladimi?

Menimcha, bu ajoyib mavsum. Bu ochko yo‘qotishlar [favoritlar tomonidan] davom etsin!” – deb yozdi “Liverpul”ning sobiq futbolchisi ijtimoiy tarmoqlarda.