"Shaxtyor"ning hujumkor yarim himoyachisi "Napoli"ning qisqa ro‘yxatiga tushdi.
Bu haqda jurnalist Ben Jeykobs ijtimoiy tarmoqdagi sahifasida ma’lum qildi. Manba bergan xabarga ko‘ra, Neapol klubi skautlari 21 yoshli Sudakov ishtirokidagi o‘yinlarni allaqachon uch marta tomosha qilgan.
Biroq “Napoli” yarim himoyachini yanvarda qo‘lga kiritishga harakat qiladimi yoki shartnomani kelasi yozgacha qoldiradimi, hozircha noma’lum.
Aytish joizki, Sudakov xizmatlariga “Yuventus” qiziqish bildirmoqda, OAV xabarlariga ko‘ra, turinliklar yaqin kunlarda futbolchi bo‘yicha muzokaralar olib borish uchun “Shaxtyor” bilan bog‘lanishni rejalashtirmoqda.
Joriy mavsumda Sudakov barcha turnirlarda 18 ta o‘yinda maydonga tushib, uchta gol urdi va bitta golli uzatmani amalga oshirdi.
