Afrika kubogiga chaqiruv olgan "Manchester Yunayted" darvozaboni Andre Onana Kamerun futbol federasiyasi bilan keyinchalik terma jamoaga o‘tish borasida kelishuvga erishmoqchi.

U klubdan uzoqda bo‘lgan vaqtini minimallashtirishni va 8 yanvarga belgilangan "Uigan"ga qarshi Angliya kubogi 3-tur uchrashuvida maydonga tushishni istamoqda.

Afrika kubogi 13 yanvardan 11 fevralga qadar bo‘lib o‘tadi. Kamerun terma jamoasi turnirdagi safarini 15 yanvar kuni Gvineyaga qarshi o‘yin bilan boshlaydi. "S" guruhida Senegal va Gambiya ham raqib bo‘ladi.

Kamerun Saudiya Arabistonida yig‘in o‘tkazishi va 9 yanvar kuni Zambiyaga qarshi o‘rtoqlik o‘yini o‘tkazishi rejalashtirilgan.

Insayder Fabrisio Romanoning so‘zlariga ko‘ra, Onana yo‘qligida "qizil iblislar" zaxira darvozaboni Altay Bayindirga ishonishgan.

Joriy mavsumda Andre "Manchester Yunayted" safida 27 ta o‘yin o‘tkazib, o‘z darvozasidan 43 ta gol o‘tkazib yubordi va 8 ta o‘yinda o‘z darvoza dahlsizligini saqlab qoldi.