Африка кубогига чақирув олган "Манчестер Юнайтед" дарвозабони Андре Онана Камерун футбол федерацияси билан кейинчалик терма жамоага ўтиш борасида келишувга эришмоқчи.
У клубдан узоқда бўлган вақтини минималлаштиришни ва 8 январга белгиланган "Уиган"га қарши Англия кубоги 3-тур учрашувида майдонга тушишни истамоқда.
Африка кубоги 13 январдан 11 февралга қадар бўлиб ўтади. Камерун терма жамоаси турнирдаги сафарини 15 январ куни Гвинеяга қарши ўйин билан бошлайди. "С" гуруҳида Сенегал ва Гамбия ҳам рақиб бўлади.
Камерун Саудия Арабистонида йиғин ўтказиши ва 9 январь куни Замбияга қарши ўртоқлик ўйини ўтказиши режалаштирилган.
Инсайдер Фабрицио Романонинг сўзларига кўра, Онана йўқлигида "қизил иблислар" захира дарвозабони Алтай Байиндирга ишонишган.
Жорий мавсумда Андре "Манчестер Юнайтед" сафида 27 та ўйин ўтказиб, ўз дарвозасидан 43 та гол ўтказиб юборди ва 8 та ўйинда ўз дарвоза даҳлсизлигини сақлаб қолди.
