“Shaxtyor” yarim himoyachisi Georgiy Sudakov yaqin kelajakda yuqori martabaga ko‘tarilishi mumkin. Nufuzli insayder Fabrisio Romanoning ijtimoiy tarmoqlarda xabar berishicha, "Yuventus" va "Napoli" 21 yoshli ukrainalik futbolchi bilan shartnoma imzolamoqchi.

Romanoning so‘zlariga ko‘ra, “Yuventus” va “Napoli” Sudakov borasida “Shaxtyor” bilan bog‘lanishgan.

Neapolliklar Elif Elmasni ushbu futbolchi bilan almashtirmoqchi edi. Turinliklar, o‘z navbatida, Georgiyni uzoq vaqtdan beri o‘z ro‘yxatlarida saqlab qolishgan.

Georgiy Sudakovning transfer narxi 35 million yevrodan oshishi mumkin. 2023/2024 yilgi mavsumda Sudakov "Shaxtyor" tarkibida 18 ta o‘yinda maydonga tushdi. Ularda yarim himoyachi uchta gol urdi va sherigiga bitta golli uzatmani amalga oshirdi.