Madridning "Atletiko" klubi prezidenti Enrike Sereso "Barselona" safida ijara asosida to‘p tepayotgan Joau Feliksning kelajagi haqida fikr bildirdi.

"Barselona" Joau Feliksni sotib olishiga shubha qilyapsizmi? To‘g‘risini aytsam, siz o‘zingiz shubha tug‘diryapsiz, lekin ishonamanki, klub ham, Joau Feliksning o‘yinini ko‘rganlar ham uning ajoyib futbolchi ekanligiga va Yevropaning eng zo‘rlaridan biri ekanligiga shubha qilmaydi.

Bizga hamma narsa aniq. Joau Feliks "Barselona"ga ijaraga berilgan. Agar u o‘sha yerda faoliyatini davom ettirishni istamasa, bizga qaytadi. Agar u qaytsa, unga boshqa jamoalar qiziqish bildirishi mumkin", - dedi Sereso.

Joriy yilda Feliks 20 ta o‘yinda 6 ta gol urib, 3 ta golli pas berdi.