"Napoli" hujumchisi Jovanni Simeone klubdagi o‘rnidan norozi.
28 yoshli futbolchi, agar unga jamoadan joy kafolatlanmagan bo‘lsa, transferini so‘rash niyatida.
Avvalroq, argentinalik forvardga “Nyukasl”, “Vest Xem”, “Real Betis”, “Sevilya”, “Vilyarreal”, “Borussiya Dortmund” va “Ayntraxt” klublari qiziqish bildirgandi.
Simeone joriy mavsumda “Napoli” safida barcha turnirlarda 19 ta o‘yin o‘tkazib, 2 ta gol urishga erishdi. U atigi 4 marta boshladi. Futbolchining shartnomasi 2026 yilning yoziga qadar mo‘ljallangan.