"Inter"ning o‘ng qanot himoyachisi Denzel Dyumfris klub rahbariyati bilan shartnomani uzaytirish borasida kelishuvga erisha olmayapti.
La Gazette dello Sport xabariga ko‘ra, gollandiyalik himoyachi rahbariyat taklif qilganidan yiliga bir million ko‘proq talab qiladi.
Manbaning ta’kidlashicha, Dyumfrisning yozgi transfer oynasida sotilish ehtimoli tobora ortib bormoqda.
Eslatib o‘tamiz, avvalroq gollandiyalik futbolchiga Angliya premyer-ligasi klublari qiziqish bildirayotgan edi.
Dyumfris joriy mavsumda ikkita gol urdi va uchta golli uzatmani amalga oshirdi. Denzel Simone Indzagi jamoasida uchinchi mavsumini o‘tkazmoqda.
