Himoyachi Bernardo Espinosa Ispaniyaning “Jirona” klubini tark etdi, deb xabar beradi Telemedellin.tv.
Manbaga ko‘ra, futbolchi faoliyatini "Atletiko Nasyonal"da davom ettiradi. Espinosaning "Jirona" bilan tuzilgan mehnat shartnomasi muddati 2024 yilning yoziga qadar hisoblangan. Bu mavsumda himoyachi bor yo‘g‘i ikkita o‘yinda maydonga tushdi.
“Jirona” Ispaniya chempionatining birinchi davrasini muvaffaqiyatli yakunladi. Mishel shogirdlari 18 turdan so‘ng 45 ochko jamg‘ardi.
Jamoa qo‘shimcha ko‘rsatkichlar bo‘yicha peshqadam "Real"dan ortda qolgan holda turnir jadvalida ikkinchi o‘rinni egallab turibdi.
"Jirona"ning navbatdagi o‘yini 3 yanvar kuni "Atletiko"ga qarshi bo‘ladi.
