Ҳимоячи Бернардо Эспиноса Испаниянинг “Жирона” клубини тарк этди, деб хабар беради Telemedellin.tv.
Манбага кўра, футболчи фаолиятини "Aтлетико Насьонал"да давом эттиради. Эспиносанинг "Жирона" билан тузилган меҳнат шартномаси муддати 2024 йилнинг ёзига қадар ҳисобланган. Бу мавсумда ҳимоячи бор йўғи иккита ўйинда майдонга тушди.
“Жирона” Испания чемпионатининг биринчи даврасини муваффақиятли якунлади. Мишел шогирдлари 18 турдан сўнг 45 очко жамғарди.
Жамоа қўшимча кўрсаткичлар бўйича пешқадам "Реал"дан ортда қолган ҳолда турнир жадвалида иккинчи ўринни эгаллаб турибди.
"Жирона"нинг навбатдаги ўйини 3 январь куни "Aтлетико"га қарши бўлади.
