"Jenoa" himoyachisi Radu Dregushin "Tottenxem"ning nishoniga tushgan.
Nufuzli insayder Fabrisio Romanoning ijtimoiy tarmoqlarda xabar berishicha, London klubi ruminiyalik bilan muddatidan oldin shartnoma shartlarini kelishib olgan.
Endi "Tottenxem" "Jenoa" bilan transfer bo‘yicha muzokaralar olib borishga harakat qilmoqda, muzokaralar jarayoni davom etmoqda.
Italiya klubi Dregushin uchun 30 million yevro olmoqchi, "shporlar" esa narx 25 million yevrodan ko‘p bo‘lmasligini kutmoqda.
Radu Dregushin fevral oyi boshida o‘zining 22 yoshini nishonlaydi.
Joriy mavsumda himoyachi 21 ta o‘yinda maydonga tushib, ikkita gol urdi va sherigiga bitta golli uzatma yozdirib qo‘ydi.