"Женоа" ҳимоячиси Раду Дрэгушин "Тоттенхэм"нинг нишонига тушган.
Нуфузли инсайдер Фабрицио Романонинг ижтимоий тармоқларда хабар беришича, Лондон клуби руминиялик билан муддатидан олдин шартнома шартларини келишиб олган.
Энди "Тоттенхэм" "Женоа" билан трансфер бўйича музокаралар олиб боришга ҳаракат қилмоқда, музокаралар жараёни давом этмоқда.
Италия клуби Дрэгушин учун 30 миллион евро олмоқчи, "шпорлар" эса нарх 25 миллион евродан кўп бўлмаслигини кутмоқда.
Раду Дрэгушин феврал ойи бошида ўзининг 22 ёшини нишонлайди.
Жорий мавсумда ҳимоячи 21 та ўйинда майдонга тушиб, иккита гол урди ва шеригига битта голли узатма ёздириб қўйди.
