«Manchester Siti» yarim himoyachisi Jek Grilish oilasida yuz bergan o‘g‘irlik borasida o‘z fikrini bildirdi.

Eslatib o‘tamiz, 28 yoshli futbolchi o‘z jamoasi bilan «Everton»ga qrashi safardagi o‘yinga (3:1) ketganida uning uyiga o‘g‘rilar kirgan hamda uydan umumiy narxi 1 million funtga teng soatlar va qimmatbaho buyumlarni olib chiqib ketishdi. Uyda esa Jekning 10 ga yaqin qarindoshlari bor edi.

«Mazkur o‘g‘irlik tufayli qanchalik tushkun holat tushib qolganimni qanday tushuntirishni bilmayman.

Oilam mening borlig‘im. Ularning xavfsizligini ta’minlashdan muhimroq narsa yo‘q. Bu biz uchun ruhiy zarba bo‘ldi. Hech kimga zarar yetmagani uchun shukrona keltiraman.

O‘tgan yili men uchun ajoyib lahzalar va yutuqlar ko‘p bo‘ldi. Ammo, ochig‘ini aytsam, futbol faoliyatimdagi eng yorqin mavsum endi men uchun tatimagandek bo‘ldi.

Bunday mudhish jinoyatni sodir etganlar insonlar hayotiga qanchalar zarar keltirganini tasavvur qila olmaydilar. Umid qilaman, ularni topishadi va sudga topshirishadi. Toki, hech bir oila men kabi holatga tushmasin.

Meni qo‘llab-quvvatlagan barcha do‘stlarim, jamoadoshlarimga minnatdorchilik bildiraman», – de yozdi Grilish ijtimoiy tarmoq orqali.