«Liverpul» bosh murabbiyi Yurgen Klopp Angliya chempionatining 20-turi doirasida bo‘lib o‘tgan «Nyukasl»ga qarshi o‘yin (4:2) borasida o‘z fikrini bildirib o‘tdi.

«Jamoam hayratlanarli o‘yin namoyish etdi. Uchrashuvni ancha dadil boshladik. Barcha Dubravkaning o‘yinini ko‘rdi. Ammo hisob yirik bo‘lib ketmasligida o‘zimizning ham hissamiz bor.

Super o‘yin. O‘tkazib yuborilgan gollarni inobatga olmaganda menga o‘yinning ko‘p jihatlari yoqdi. Aqlbovar qilmas o‘yin, ajoyib atmosfera.

Qarshipressing borasida futbol maktablari uchun ko‘rgazamali o‘yin bo‘ldi. Bu o‘yinni bolalar tomosha qilishi, baholashi va eslab qolishi kerak. Barchasi yaxshi bo‘ldi.

Shou davom etishi kerak. Keyingi bahsgacha oldimizda 5-6 kun vaqt bor. Tiklanib olish uchun bu katta ahamiyatga ega», – dedi Klopp.