Angola terma jamoasi hujumchisi Mbala N'Zola oilaviy sabablarga ko‘ra milliy terma jamoa uchun Afrika Millatlar Kubogida ishtirok eta olmaydigan bo‘ldi.

Bu haqda Angola terma jamoasi matbuot xizmati ijtimoiy tarmoqlarda xabar berdi. Avvalroq “Fiorentina” futbolchisi jamoaga kelishdan bosh tortgandi.

"Oilaviy sabablarga ko‘ra, hujumchi Mbala N'Zola Angola terma jamoasiga chaqiruvdan ozod etildi. "Fiorentina" futbolchisining o‘rnini "Atletiko Petroleos" hujumchisi Deivi Migel egallaydi", - deyiladi Angola jamoasi bayonotida.

Oldinroq forvard ushbu sharafli turnirda terma jamoa bilan birga bo‘la olmasligi sabablarini asoslab bermasa, FIFA tomonidan diskvalifikasiya qilinishi mumkinligi xabar qilingandi.

Afrika Millatlar kubogi 2024-yilning 13-yanvaridan fevraligacha bo‘lib o‘tadi. Turnirning amaldagi g‘olibi Senegal termasi hisoblanadi.