Dortmundning "Borussiya" klubi qanot hujumchisi Jeydon Sanchoni "Manchester Yunayted" bilan qaytarish imkoniyatlarini muhokama qilmoqda.
Xabarlarga ko‘ra, nemis klubi 23 yoshli ingliz futbolchisini 3,5 million yevro evaziga ijaraga olishi mumkin. Bu summaga ijara haqi va futbolchining "MYU"dagi maoshining bir qismi uchun tovon puli kiradi.
Sentyabr oyida "Manchester Yunayted" bosh murabbiy Erik ten Xag bilan mojarodan so‘ng Sancho asosiy jamoa bilan mashg‘ulotlarni to‘xtatganini e’lon qildi. Murabbiy agar Sancho undan va jamoadan kechirim so‘rasagina, futbolchini tarkibga qaytarishga tayyor ekani xabar qilingandi.
2023/24 yilgi mavsumda angliyalik futbolchi "Manchester Yunayted" safida APLda 3 ta o‘yin o‘tkazdi. Uning shartnomasi 2026 yilning yoziga qadar mo‘ljallangan.
