SSKA "Sfaksyen" himoyachisi Ala Gramning transferini yakunlashga yaqin turibdi, deb xabar beradi All Transfer.
Manbaga ko‘ra, transfer summasi taxminan 1,6 million yevroni tashkil qiladi. "Sfaksyen" kelajakda futbolchini qayta sotishdan 20 foiz olishi mumkin bo‘ladi. Futbolchining o‘zi "armiyaliklar" bilan 4 yillik shartnoma bo‘yicha kelishib oldi.
Gram ushbu mavsumda "Sfaksyen" uchun 10 ta o‘yin o‘tkazdi va 3 ta gol urdi. U klub safida jami 90ta o‘yin o‘tkazib, 4ta gol urgan. Uning shartnomasi 2024 yilning yoziga qadar mo‘ljallangan.
Transfermarkt portali uning narxini 1,2 million yevroga baholamoqda. Gram Tunis terma jamoasida ikkita o‘yin o‘tkazgan.