"Chelsi" yarim himoyachisi Konor Gallaxer qishki transfer oynasida jamoani tark etish niyatida emas.
Ko‘plab mish-mishlarga ko‘ra, "ko‘klar" rahbariyati 23 yoshli futbolchi uchun maqbul takliflar tushsa, yanvar oyida uni sotishga tayyor. Angliyalik futbolchining "Chelsi" bilan amaldagi mehnat shartnomasi 2025 yilning yozida tugaydi va ayni damda tomonlar yangi shartnoma borasida kelisha olishmayapti. Biroq, jurnalist Nizaar Kinsella xabar berishicha, futbolchining o‘zi joriy mavsumda jamoani tark etish niyatida emas.
"Tottenxem" Konor Gallaxerga asosiy da’vogar sifatida ko‘rilmoqda. Ingliz matbuoti xabariga ko‘ra, "Chelsi" o‘z futbolchisini taxminan 60 million yevroga baholamoqda.