"Челси" ярим ҳимоячиси Конор Галлахер қишки трансфер ойнасида жамоани тарк этиш ниятида эмас.
Кўплаб миш-мишларга кўра, "кўклар" раҳбарияти 23 ёшли футболчи учун мақбул таклифлар тушса, январь ойида уни сотишга тайёр. Англиялик футболчининг "Челси" билан амалдаги меҳнат шартномаси 2025 йилнинг ёзида тугайди ва айни дамда томонлар янги шартнома борасида келиша олишмаяпти. Бироқ, журналист Низаар Кинселла хабар беришича, футболчининг ўзи жорий мавсумда жамоани тарк этиш ниятида эмас.
"Тоттенхэм" Конор Галлахерга асосий даъвогар сифатида кўрилмоқда. Инглиз матбуоти хабарига кўра, "Челси" ўз футболчисини тахминан 60 миллион еврога баҳоламоқда.
