"Real" yarim himoyachisi Jud Bellingem joriy mavsumda maydonga orqasi yirtilgan getralarda maydonga tushmoqda.
Bunday gatreda o‘ynash futbolchining mushaklariga tushadigan bosimni kamaytirar ekan. Buning sababidan tomir tortishib qolishi va mushak jarohatlari ehtimoli kamayadi.
Bellingem bu holatga quyidagicha izoh berdi: «Getra haddan tashqari tor bo‘lib, ular mening mushagimga bosib qilayotgandi. Mushaklarimga tushadigan bosimni kamaytirish maqsadida shunday qildim. Ularni qirqib, teshik hosil qildim. Shundan so‘ng bir nechta yaxshi o‘yin o‘tkazdim. Keyin esa: «Getralarni shunday qoldiraman», dedim».
«Madrid»da bunday ishni Brahim Dias ham qila boshladi.
La liga qoidasiga ko‘ra, futbolchi maydonga yirtiq futbolka, shortik va getrada tushishi mumkin emas. La liga hozircha Bellingem bilan holatga e’tibor qaratmayapti.
Bellingem joriy mavsumda "Real" safida 21 o‘yinda maydonga tushib, 17 gol va 5 assist muallifiga aylandi.
