"Реал" ярим ҳимоячиси Жуд Беллингем жорий мавсумда майдонга орқаси йиртилган гетраларда майдонга тушмоқда.
Бундай гатреда ўйнаш футболчининг мушакларига тушадиган босимни камайтирар экан. Бунинг сабабидан томир тортишиб қолиши ва мушак жароҳатлари эҳтимоли камаяди.
Беллингем бу ҳолатга қуйидагича изоҳ берди: «Гетра ҳаддан ташқари тор бўлиб, улар менинг мушагимга босиб қилаётганди. Мушакларимга тушадиган босимни камайтириш мақсадида шундай қилдим. Уларни қирқиб, тешик ҳосил қилдим. Шундан сўнг бир нечта яхши ўйин ўтказдим. Кейин эса: «Гетраларни шундай қолдираман», дедим».
«Мадрид»да бундай ишни Браҳим Диас ҳам қила бошлади.
Ла лига қоидасига кўра, футболчи майдонга йиртиқ футболка, шортик ва гетрада тушиши мумкин эмас. Ла лига ҳозирча Беллингем билан ҳолатга эътибор қаратмаяпти.
Беллингем жорий мавсумда "Реал" сафида 21 ўйинда майдонга тушиб, 17 гол ва 5 ассист муаллифига айланди.
