Huquqlari Londonning “Tottenxem” klubiga tegishli bo‘lgan himoyachi Erik Dayer faoliyatini Italiya chempionatida davom ettirishi mumkin. Bu haqda ijtimoiy tarmoqlarda insayder Nikolo Skira xabar berdi.
Jurnalistning xabar berishicha, "Roma" futbolchini o‘z safiga qo‘shib olmoqchi. Rim klubi bosh murabbiyi Joze Mourinyoning shaxsan o‘zi britaniyalikni o‘z jamoasida ko‘rmoqchi. Murabbiy va himoyachi "Tottenxem"da birga ishlagan.
Dayer 2014 yilning yozidan beri London jamoasida o‘ynab kelmoqda. Erik va "shporlar" o‘rtasidagi amaldagi mehnat shartnomasi 2024 yilning iyun oyi oxirigacha amal qiladi. "Transfermarkt" futbolchining narxini 12 million yevroga baholamoqda.