Ҳуқуқлари Лондоннинг “Тоттенхэм” клубига тегишли бўлган ҳимоячи Эрик Дайер фаолиятини Италия чемпионатида давом эттириши мумкин. Бу ҳақда ижтимоий тармоқларда инсайдер Николо Скира хабар берди.
Журналистнинг хабар беришича, "Рома" футболчини ўз сафига қўшиб олмоқчи. Рим клуби бош мураббийи Жозе Моуриньонинг шахсан ўзи британияликни ўз жамоасида кўрмоқчи. Мураббий ва ҳимоячи "Тоттенхэм"да бирга ишлаган.
Дайер 2014 йилнинг ёзидан бери Лондон жамоасида ўйнаб келмоқда. Эрик ва "шпорлар" ўртасидаги амалдаги меҳнат шартномаси 2024 йилнинг июнь ойи охиригача амал қилади. "Transfermarkt" футболчининг нархини 12 миллион еврога баҳоламоқда.