Germaniya futbol assosiasiyasi sport direktori Rudi Fyoller 2021 yilning yozida xalqaro faoliyatini yakunlashini e’lon qilgan yarim himoyachi Toni Kroosning qaytishi mumkinligi haqida fikr bildirdi.
"Nagelsmann aytganidek, hamma narsa ro‘y berishi mumkin. Hech kim hisobdan chiqarilmaydi. Yevropa chempionatiga yaxshi formadagi, raqobatga tayyor bo‘lgan futbolchilar boradi. Bizda Kroos o‘ynaydigan pozisiyaga eng kam ehtiyoj bor", - dedi Fyoller Bild nashriga bergan intervyusida.
33 yoshli Kroos joriy mavsum Ispaniya chempionatida 18 ta o‘yin o‘tkazib, 1 ta gol va 6 ta golli uzatmani amalga oshirdi.
