Германия футбол ассоциацияси спорт директори Руди Фёллер 2021 йилнинг ёзида халқаро фаолиятини якунлашини эълон қилган ярим ҳимоячи Тони Крооснинг қайтиши мумкинлиги ҳақида фикр билдирди.
"Нагельсманн айтганидек, ҳамма нарса рўй бериши мумкин. Ҳеч ким ҳисобдан чиқарилмайди. Европа чемпионатига яхши формадаги, рақобатга тайёр бўлган футболчилар боради. Бизда Кроос ўйнайдиган позицияга энг кам эҳтиёж бор", - деди Фёллер Bild нашрига берган интервьюсида.
33 ёшли Кроос жорий мавсум Испания чемпионатида 18 та ўйин ўтказиб, 1 та гол ва 6 та голли узатмани амалга оширди.
