3 yanvar, chorshanba kuni Madriddagi “Santyago Bernabeu”da Ispaniya La Ligasining 19-turidan o‘rin olgan uchrashuv bo‘lib o‘tdi. Madridning “Real” klubi o‘z maydonida “Malyorka”ni 1:0 hisobida mag‘lub etdi.
Ukrainalik darvozabon Andrey Lunin o‘yin mobaynida o‘z darvozasi daxlsizligini saqlab qoldi. Birinchi bo‘lim oxirida, 45+3-daqiqada hakamning qaroriga emosional norozilik bildirgani uchun sariq kartochka oldi.
Defensa Central nashri xabariga ko‘ra, "Los-Blankos" bosh murabbiyi Karlo Anchelotti o‘yindan so‘ng kiyinish xonasida Lunin va braziliyalik Rodrigo hakamga norozilik bildirgani uchun sariq kartochka olganidan juda norozi bo‘lgan va ikkala futbolchini ham tanqid qilgan.
"Biz shunchaki bu kartochkalarni ololmaymiz, ular hakam bilan tortishgani uchun ogohlantirilgani menga yoqmaydi", - dedi Anchelotti.
