3 январ, чоршанба куни Мадриддаги “Сантьяго Бернабеу”да Испания Ла Лигасининг 19-туридан ўрин олган учрашув бўлиб ўтди. Мадриднинг “Реал” клуби ўз майдонида “Мальорка”ни 1:0 ҳисобида мағлуб этди.

Украиналик дарвозабон Андрей Лунин ўйин мобайнида ўз дарвозаси дахлсизлигини сақлаб қолди. Биринчи бўлим охирида, 45+3-дақиқада ҳакамнинг қарорига эмоционал норозилик билдиргани учун сариқ карточка олди.

Defensa Central нашри хабарига кўра, "Лос-Бланкос" бош мураббийи Карло Анчелотти ўйиндан сўнг кийиниш хонасида Лунин ва бразилиялик Родриго ҳакамга норозилик билдиргани учун сариқ карточка олганидан жуда норози бўлган ва иккала футболчини ҳам танқид қилган.

"Биз шунчаки бу карточкаларни ололмаймиз, улар ҳакам билан тортишгани учун огоҳлантирилгани менга ёқмайди", - деди Анчелотти.