Olivye Jiru mavsum oxirida "Milan"ni tark etishi mumkin.
La Gazette Dello Sport nashriga tayanib, Football Italia xabariga ko‘ra, Jiru "Milan" bilan iyun oyida tugaydigan shartnomasini uzaytirishiga shubha qilmoqda.
37 yoshli forvard hali o‘z kelajagi borasida bir qarorga kelgani yo‘q - ta’kidlanishicha, milanliklar kelasi mavsumda hujumchi sotib olishni rejalashtirmoqda va shu bois Jiru asosiy tarkib futbolchisi bo‘la olmaydi.
Aytilishicha, Jiru MLSga o‘tishni o‘ylamoqda. Fransiyalik futbolchi mavsum yakuniga yaqin bir qarorga keladi.
Joriy mavsumda Olivye A Seriyada “Milan” safida 15 ta o‘yin o‘tkazib, 8 ta gol va 5 ta golli uzatmani amalga oshirdi.
