Оливье Жиру мавсум охирида "Милан"ни тарк этиши мумкин.
La Gazette Dello Sport нашрига таяниб, Football Italia хабарига кўра, Жиру "Милан" билан июнь ойида тугайдиган шартномасини узайтиришига шубҳа қилмоқда.
37 ёшли форвард ҳали ўз келажаги борасида бир қарорга келгани йўқ - таъкидланишича, миланликлар келаси мавсумда ҳужумчи сотиб олишни режалаштирмоқда ва шу боис Жиру асосий таркиб футболчиси бўла олмайди.
Айтилишича, Жиру МЛСга ўтишни ўйламоқда. Франциялик футболчи мавсум якунига яқин бир қарорга келади.
Жорий мавсумда Оливье А Серияда “Милан” сафида 15 та ўйин ўтказиб, 8 та гол ва 5 та голли узатмани амалга оширди.
