CIES Football Observatory ekspertlari yana bir futbol tadqiqotini o‘tkazishdi.
Ular o‘zlarining statistik modelidan futbolchilarning qiymatini baholash uchun foydalanganlar. E’lon qilingan reytingda birinchi o‘rinni "Real Madrid" va Angliya terma jamoasi yarim himoyachisi Jud Bellingem egalladi.
Uning narxi 267,5 million yevroni tashkil qilgan. Keyingi o‘rinlarda Erling Xoland (“Manchester Siti”, 251,2 million yevro), Vinisius Junior (“Real”, 250,3 million yevro), Rodrigo (“Real”, 247,9 million yevro) va Bukayo Saka (“Arsenal”, 223 million yevro).
Top o‘ntalikka, shuningdek, Fil Foden (195,8 million), Gavi (175,4), Xulian Alvares (164,7), Jamol Musiala (152,4) va Martin Edegor (150,6) kiradi.
Qizig‘i shundaki, Kilian Mbappe 106,2 million yevro bilan reytingda bor-yo‘g‘i 27-o‘rinda edi. Bu, ehtimol, fransiyalik futbolchining shartnomasi yozda tugashi bilan bog‘liq - model klublar to‘lashi kerak bo‘lgan summalar prognozlarini aks ettiradi.
