"Arsenal" bosh murabbiyi Mikel Arteta dekabr oyi oxirida bo‘lib o‘tgan "Vest Xem" (0:2) va "Fulxem" (2:1) bilan o‘yinlarda yuz bergan Angliya chempionatidagi ketma-ket ikki mag‘lubiyat jamoaga ta’sir ko‘rsatdimi yoki yo‘qligini aytdi.

"Bu bizning ishonchimizga ta’sir qilmadi, faqat tezligimizga ta’sir qildi. Rojdestvo oldidan biz ligada birinchi o‘rinda edik. Olti kundan so‘ng biz to‘rtinchi o‘rinni egallab turibmiz, shuning uchun odamlar mikroskop ostida bu o‘yinlardagi harakatlarimizni ko‘rsatishga vasvasaga tushishlari mumkin. Ammo mening asosiy vazifam - bu mikroskop orqali emas, balki teleskop orqali qarash, istiqbolni ko‘rish va nima bo‘layotganini to‘g‘ri tahlil qilish", - deya Arteta so‘zlarini keltiradi «Arsenal» rasmiy sayti.

Eslatib o‘tamiz, Angliya chempionatining 20-turidan so‘ng Arteta shogirdlari 40 ochko jamg‘arib, hozirda to‘rtinchi o‘rinni egallab turibdi.