"Арсенал" бош мураббийи Микель Артета декабрь ойи охирида бўлиб ўтган "Вест Хэм" (0:2) ва "Фулхэм" (2:1) билан ўйинларда юз берган Англия чемпионатидаги кетма-кет икки мағлубият жамоага таъсир кўрсатдими ёки йўқлигини айтди.

"Бу бизнинг ишончимизга таъсир қилмади, фақат тезлигимизга таъсир қилди. Рождество олдидан биз лигада биринчи ўринда эдик. Олти кундан сўнг биз тўртинчи ўринни эгаллаб турибмиз, шунинг учун одамлар микроскоп остида бу ўйинлардаги ҳаракатларимизни кўрсатишга васвасага тушишлари мумкин. Аммо менинг асосий вазифам - бу микроскоп орқали эмас, балки телескоп орқали қараш, истиқболни кўриш ва нима бўлаётганини тўғри таҳлил қилиш", - дея Артета сўзларини келтиради «Арсенал» расмий сайти.

Эслатиб ўтамиз, Англия чемпионатининг 20-туридан сўнг Артета шогирдлари 40 очко жамғариб, ҳозирда тўртинчи ўринни эгаллаб турибди.