Ushbu mavsumda Ispaniyaning "Real Sosyedad" klubida ijara asosida o‘ynayotgan "Arsenal" himoyachisi Kiran Tirni "kanonirlar"ning chap qanotdagi pozisiyasida muammo borligi sababli, London klubi ijarani muddatidan oldin tugatishi mumkinligi haqidagi mish-mishlarga izoh berdi.
"Bir necha kishi mendan hozir "Arsenal"ga qaytishimni so‘rashdi. Mening javobim yo‘q. Men, albatta, “Real Sosyedad”da qolaman. Bu yerda uzoq vaqt qolishimni ayta olmayman, bu menga bog‘liq emas, lekin aytishim mumkinki, men bu klubda o‘ynashni yaxshi ko‘raman va bu yerda ajoyib vaqt o‘tkazyapman”, - dedi Tirni.
Eslatib o‘tamiz, joriy mavsum Tirni barcha turnirlarda 12 ta o‘yinda qatnashib, bitta golli uzatmani amalga oshirgan.
