"Yuventus" va "Lill" Tiagu Djalo transferi bo‘yicha kelishib oldi.
Oldinroq turinliklar himoyachini yanvarda 1,5+1,5 million yevro evaziga sotib olmoqchi ekani haqida xabar berilgandi. "Inter" Djaloni yozda erkin agent sifatida sotib olishni rejalashtirgandi.
Insayder Fabrisio Romanoning xabariga ko‘ra, "Lill" "Yuventus"dan 3,5 million yevrolik taklifni qabul qilgan. Djalo "Yuventus" va "Inter" o‘rtasida tanlov qilish kerak.
Qayd etilishicha, "Lill" Djalo klubni tekinga tark etmoqchi bo‘lsa, uni mavsum oxirigacha zaxirada qoldirish niyatida.
Himoyachi ayni damda mart oyida olgan tizzasidan olgan jarohatidan forig‘ bo‘lmoqda.
