"PSJ" bosh murabbiyi Luis Enrike o‘ziga kam vaqt berilishidan norozi bo‘lgan futbolchilar haqida gapirdi.
“Katta jamoada bo‘lsangiz, bu normal holat. Men bunga ahamiyat bermayman. Har bir pozisiya uchun ikkitadan o‘yinchidan iborat ajoyib tarkibga egamiz.
Kimdir kam o‘ynashi aniq, lekin ular doim borini berishlari kerak", - deya Enrikening so‘zlarini keltirmoqda RMC Sport.
Mutaxassis o‘z jamoasining norozi o‘yinchilaridan qayg‘urmasligini qo‘shimcha qildi.
Ayni damda "PSJ" Fransiya Liga 1 turnir jadvalida peshqadamlik qilmoqda. O‘tkazilgan 17ta o‘yindan so‘ng Enrike shogirdlari hisobida 40 ochko bor.
Ikkinchi o‘rinda 35 ochko to‘plagan "Nissa" joylashgan bo‘lsa, "Monako" 33 ochko bilan kuchli uchlikni yakunlab turibdi.
"PSJ" navbatdagi o‘yinini 7 yanvar kuni Fransiya kubogi 1/32 doirasida "Revel" klubiga qarshi o‘tkazadi.
