"ПСЖ" бош мураббийи Луис Энрике ўзига кам вақт берилишидан норози бўлган футболчилар ҳақида гапирди.
“Катта жамоада бўлсангиз, бу нормал ҳолат. Мен бунга аҳамият бермайман. Ҳар бир позиция учун иккитадан ўйинчидан иборат ажойиб таркибга эгамиз.
Кимдир кам ўйнаши аниқ, лекин улар доим борини беришлари керак", - дея Энрикенинг сўзларини келтирмоқда RMC Sport.
Мутахассис ўз жамоасининг норози ўйинчиларидан қайғурмаслигини қўшимча қилди.
Aйни дамда "ПСЖ" Франция Лига 1 турнир жадвалида пешқадамлик қилмоқда. Ўтказилган 17та ўйиндан сўнг Энрике шогирдлари ҳисобида 40 очко бор.
Иккинчи ўринда 35 очко тўплаган "Ницца" жойлашган бўлса, "Монако" 33 очко билан кучли учликни якунлаб турибди.
"ПСЖ" навбатдаги ўйинини 7 январ куни Франция кубоги 1/32 доирасида "Ревел" клубига қарши ўтказади.
