Angliyaning "Chelsi" klubi himoyachisi Tyago Silva Moskvaning "Dinamo" klubidagi futbolchi sil kasalligiga chalingan davri haqida gapirdi.
"Agar ruhiy zaif bo‘lganimda, hozir erishgan narsamga erishmagan bo‘lardim. Men hayotimdagi eng qiyin kurashlarning birida kuchli bo‘lishim kerak edi.
Men Braziliyani juda yoshligimda tark etdim. Moskvaning "Dinamo"siga o‘tish imkoniyatiga ega bo‘ldim. U yerda ko‘krak og‘rig‘i bilan ko‘p mashq qildim. Men nima bo‘layotganini tushunmadim. O‘shanda o‘lib qolishimga sal qolgandi.
Shifokor rentgen taxlilini yorug‘likka ko‘tardi. Va u yerda men o‘pkamda katta teshikni ko‘rdim. Agar tashxis biroz kechiksa, meni da’volab bo‘lmasdi.
Men kasalxonada olti oy o‘tirdim. Men yolg‘iz edim. Bu dahshatli edi. Men Braziliyadagi oilamdan juda uzoqda edim.
Sil kasalligidan omon qolgan... Bu izlar hech qachon bitmaydi. Odamlar meni juda ko‘p sovrinlar yutganimni aytishadi, lekin hayotdagi eng katta yutug‘im sil kasalligini yengishim bilan faxrlanaman" - dedi Silva Netflix bilan suhbatda.
Braziliyalik 2005 yilning yozida "Portu"dan transfer qilingan Moskva jamoasiga kelib qo‘shilgan. 2006 yil qishda "Fluminense"ga ijaraga berildi, 2007 yil qishda esa doimiy ravishda Braziliya klubiga o‘tdi. Ammo Silva hech qachon "Dinamo"da o‘ynamagan.
