"Barselona" bosh murabbiyi Xavi Ernandes Vitor Rokening o‘yin amaliyoti haqidagi savolga javob berdi. 18 yoshli braziliyalik futbolchi "blaugrana" safidagi debyutini yaqinda La Liga doirasida "Las-Palmas"ga qarshi o‘yinda (2:1) o‘tkazdi.
Jurnalistlar Xavidan "Barbastro"ga qarshi bo‘lib o‘tadigan Ispaniya kubogi o‘yinida hujumchini birinchi daqiqalardan boshlab maydonga tushirishni rejalashtiryaptimi, deb so‘rashdi.
“Vitor formasini tiklashi kerak va u ertaga daqiqalar oladi. Ha, bu o‘yinda amaliyotga muhtoj futbolchilarga imkoniyat berishni rejalashtirganmiz, ammo raqibni hurmat qilamiz. Biz bunday o‘yinlarda nima bo‘lishi mumkinligini bilamiz", - deya Xavidan iqtibos keltiradi Barca Universal.
