"Барселона" бош мураббийи Хави Эрнандес Витор Рокенинг ўйин амалиёти ҳақидаги саволга жавоб берди. 18 ёшли бразилиялик футболчи "блауграна" сафидаги дебютини яқинда Ла Лига доирасида "Лас-Пальмас"га қарши ўйинда (2:1) ўтказди.
Журналистлар Хавидан "Барбастро"га қарши бўлиб ўтадиган Испания кубоги ўйинида ҳужумчини биринчи дақиқалардан бошлаб майдонга туширишни режалаштиряптими, деб сўрашди.
“Витор формасини тиклаши керак ва у эртага дақиқалар олади. Ҳа, бу ўйинда амалиётга муҳтож футболчиларга имконият беришни режалаштирганмиз, аммо рақибни ҳурмат қиламиз. Биз бундай ўйинларда нима бўлиши мумкинлигини биламиз", - дея Хавидан иқтибос келтиради Barca Universal.
